Addon.mozilla.org (AMO) je oficielne sydło Mozilla za wotkrywanje a instalowanje přidatkow za wobhladowak Firefox. Přidajće nowe funkcije Firefox, polěpšće swoje interakcije z webwobsahom a změńće napohlad swojeho wobhladowaka, zo byšće swoje přehladowanske dožiwjenje změnił a přiměrił.
Jeli přidatki za Thunderbird abo SeaMonkey pytaće, wopytajće prošu addons.thunderbird.net abo addons.thunderbird.net//seamonkey namakał.
Zhromadźenstwo wuwiwarjow
Tu nalistowane přidatki su so wot tysacow wuwiwarjow a designerow drastow z cyłeho swěta wutworili, kotřiž wot jednotliwych hobbyjowych wuwiwarjowy hač k wulkim předewzaćam sahaja. Někotre přidatki nalistowane na AMO su awtomatisce wozjewjene a móža přepruwowanju teama wobdźěłarjow podležeć, tak chětre kaž so zjawnje pokazuja.
Čińće sobu
Mozilla je powšitkownosći wužitny zakitowar interneta, wuwiwamy Firefox, zo bychmy jón strowy, wotewrjeny a přistupny wobchowali. Přidatki podpěruja wólbu wužiwarjow a přiměrjomnosć w Firefox a móžeće na slědowace wašnje sobu pomhać:
- Wutworće swójski přidatk. Skićimy darmotne hospodowanje a aktualizowanske słužby a móžemy wam pomhać, wulki kruh wužiwarjow docpěć.
- Pomhajće tute websydło polěpšić. Je wotewrjeneho žórła, a móžeće zmylkowe rozprawy pisać a porjedźenja zapodać. Móžeće z dobrej zmylkowej rozprawu započeć abo sej wšě njerozrisane problemy za serwer AMO a stronu na Github wobhladać.
- Chceće na addons.mozilla.org (AMO) jako porgramowar sobu dźěłać? Čitajće dokumentaciju přidatkowych serwerow za podrobnosće wo API, kotrež so přez AMO a zrjadowak přidatkow wužiwaja.
Jeli chceće sobu činić, ale technisce nazhonity njejsće, maće tři móžnosće, zo byšće pomhał:
- Wobdźělće so na našim forumje.
- Pisajće swoje měnjenje wo swojich najlubšich přidatkach. Wuwiwarjo přidatkow zawěsće skerje swoje přidatki polěpšuja a nowe wutworjeja, hdyž wědźa, zo sej wužiwarjo jich dźěło waža.
- Zdźělće swojim přećelam a swojej swójbje, zo Firefox je spěšny, wěsty wobhladowak, kotryž jich priwatnosć škita a zo móžeja jón z přidatkami přiměrić!
Zo byšće so wo dalšich móžnosćach informował, kak móžeće na zhromadźenstwje přidatkow sobu dźěłać, wopytajće prošu naš wiki.
Problem zdźělić
Jeli problem ze sydłom namakaće, bychmy jón rady rozrisali. Prošu pisajće zmylkowu rozprawu a podajće tak wjele podrobnosćow ako móžno.
Zo byšće wěstotny problem za rozšěrjenje zdźělił, samo hdyž na tutym sydle hospodowane njeje, spisajće prošu zmylkowu rozprawu na Bugzilla abo sćelće mejlku naamo-admins@mozilla.com. Wšě rozprawy wo wěstotnych problemach su dowěrliwe.
Pomoc dóstać
Jeli chceće wjace wo tym zhonić, kak móžeće přidatki W Firefox rjadować, abo prosće pomoc wo Firefox trjebaće, wopytajće Support Mozilla. Jeli tam wotmołwu njenamakaće, móžeće so na forumje našeho zhromadźenstwa prašeć.
Informacije wo tym, kak móžeće so z teamom přidatkow Mozilla do zwiska stajić, namakaće tu.