Ri taq atzijoxik chi kij ri taq tz'aqat jun rub'anikil richin nakomonij ri ana'oj chi kij ri taq tz'aqat e'ayakon chuqa' e'awokisan. Ri loman qamolaj k'o pa kich'ojib'al yekixutuj chuqa' yekiyüj ronojel ri man kojqan ta ri taq b'eyal.
Taq pixa' richin nitz'ib'äx jun utziläj tzijoxïk
Tib'an:
- Tatz'ib'aj achi'el yatzijon rik'in jun awachib'il pa ruwi' ri awetamab'al rik'in ri tz'aqat.
- Ke'ayaka' ri jikïl chuqa' man k'ayew ta niq'ax pan awi' taq tzijoxïk.
- Ke'aya' jikïl chuqa' utziläj taq b'anikil. Achi'el:
- ¿La xsamäj re tz'aqat re' achi'el awoyob'en?
- ¿Achike taq rub'anikil ütz xe'atz'ët o ri itzel xe'atz'ët?
- ¿La xk'atzin?
- ¿La man k'ayew ta xokisäx?
- ¿La k'a xtawokisaj na re tz'aqat re'?
- Taya' jun ach'utiramaj richin nasik'ij ri atzijoxik chuwäch nitaq richin yech'utinisäx sachoj taq tz'ib'.
Mani:
- Yetaq taq tzijoxïk kik'wan xa xe jun tzij achi'el "Jeb'ël", "utziläj," o "itzel".
- Chi rij etamatel taq k'ayewal, taq ruk'utuxik to'ïk o kichilab'exik samaj. Richin re' ke'okisäx ri wachel taq kicha'oj chi kijujunal taq tz'aqat. Yatikïr ye'awïl pa ri peraj "Ch'aqa' chik etamab'äl" pa ajxikin rukajtz'ik ruxaq jujun tz'aqat.
- Natz'ib'aj taq tzijoxïk chik ri taq tz'aqat man e'awokisan ta.
- Nokisäx xajan, naqonïk tzij o tzij nina'ojïx chi nitzelan.
- Yetz'aqatisäx HTML, taq ximonel, ruxe'el b'itz'ib' o taq snipet. Ri taq tzijoxïk k'o chi xa xe cholan taq tzij.
- Yeb'an taq itzel taq ch'ojinem, yoq'oj o ch'owen chi kij ri e b'anel taq tz'aqat.
- Natz'aqatisaj rochochib'al ataqoya'l o richin jun chik winäq, rajilab'al awoyonib'al o jun chik awetamab'al.
- Taq tzijoxïk chi rij jun tz'aqat ri rat o amoloj xe'itz'ük o ïx pa'äl pa ruwi'.
- Yach'o chi rij jun tz'aqat ruma ri rusamaj. Achi'el toaq niya' kan jun itzel tzijoxïk chi rij jun tz'aqat ruma ruk'wan eltzijob'äl o numöl etamab'äl toq ja rurayib'al tz'aqat ri' o nik'atzin ri etamab'äl ri' richin nisamäj.
Junelïk taq K'utunïk pa kiwi' taq Tzijoxïk
¿Achike rub'eyal ninya' rutzijol jun k'ayew tzijoxïk?
Niya' rutzijol o niya' retal xab'achike k'utuxel tzijoxïk rik'in nipitz' ri "Tisujüx re tzijoxïk re'" richin nipaj rij ri ruxaq k'amaya'l. Ri loman qamolaj xtutojtob'ej richin nujikib'a' ri Kib'eyal Nisamajïx ri Nik'oxïk richin nipaj rij we niyuj o nitalüx chik rutzijol ri ruxaq k'amaya'l.
In b'anel jun tz'aqat, ¿la yitikïr nintzolij tzij chi ke ri taq tzijoxïk?
Ja', ri b'anel taq tz'aqat yetikïr nikitzolij rutzij jun tzijoxïk xa xe jumul. Yatikïr natz'ük jun runa'oj richin nitzijöx rij pa solna'oj richin nitikirisäx jun tzijonem o nojqäx jun.
In b'anel jun tz'aqat, ¿la yitikïr yenyüj el taq tzijoxïk o itzel taq nik'oxïk?
Chijun mani. We xa ta man nrojqaj ta ri taq rub'eyal yechol ajsik, yatikïr napïtz pa ri "Tiya' rutzijol re tzijoxïk re'" richin nipaj rij. We jun rutzijoxik sujunïk man okel ta chik toq nelesäx jun k'ak'a' ruwäch tz'aqat, rik'in jub'a' niqayüj el ri tzijoxïk ri'.